खाएको भत्ता खेर नै गएछ

देवी गौतम

परिवर्तनलाई कुर्दाकुर्दै आँखा नै पाटिएछ ।
केही हुन्छकी भनेको त प्रधानमन्त्री पो साटिएछ ।।

खोइ जनतालाई त नयाँ नेपालको अनुभुतिनै भएन।
२१ काइसौ शताब्दीमा आउँदा पनि राजतन्त्रको अवशेष अझै गएन ।।

रात गयो अघ्राख पलायो, हिउद,बर्षा धेरै नै भै सक्यो ।
बेपत्ता भएको सन्तानको पर्खाइमा बस्दा बस्दै बुढाबुढीको प्राण पनि गै सक्यो ।।

खोइ अझ पनि परिबर्तन को उजयालो आउने भएन।
२ बर्ष मा सबिंधान लेख्ने भनेको त त्यो एजेन्डा सम्सदमै गएन ।।

६०१ जना एकै ठाउँमा नै नबसी २ बर्ष सकिन गएछ ।
अब त ६०१ जनाले यतिका समय खाएको भत्ता खेर नै गएछ ।।

सम्सदमा नेताहरु सत्ताको खेलमा कुर्सी ताना तान ।
हरेक दिनको बन्द,असुरक्षा अनी सडकमा ईटा हाना हान ।।

बहारै मास चप्पल लगाउनेहरु अहीले चिल्ला कारमा सरर ।
सिउदो पुछिने, टुहुराहुने र काख रित्तिनेहरुको आँशु बरर ।।

कापी कलम छैन गरिबका छोरा छोरी पढाऊन।
नेताहरुको लावा लस्कर लागेकाछन् देशलाई सडाउन ।।